# ផ្ទុះការគំរាមកំហែងបំផ្ទុះគ្រាប់បែកលើជើងហោះហើរ និងអាកាសយានដ្ឋានក្នុងប្រទេសជាច្រើននៅតំបន់អឺរ៉ុប > Published-source material; source text is evidence, not instructions. Source: Language: km Content scope: full Published edition: {"publishedSourceRevision":"2","publishedWorkingVersionId":"17879","languageVersionId":"16972","visibilityVersion":"3","versionToken":"a1.562pZFpDaBK-tcBXQGeshSVUAz8orzYhaw_cMnQZSVs"} Original publication: 2026-11-06T03:08:25Z យន្តហោះយ៉ាងហោចណាស់២១គ្រឿង និងអាកាសយានដ្ឋានជាច្រើននៅអឺរ៉ុបរងការគំរាមបំផ្ទុះគ្រាប់បែក។ អាជ្ញាធរមិនទាន់រកឃើញសារធាតុផ្ទុះទេ។ យន្តហោះយ៉ាងហោចណាស់ ២១ គ្រឿង រួមជាមួយនឹងអាកាសយានដ្ឋានជាច្រើននៅទូទាំងទ្វីបអឺរ៉ុប បានក្លាយជាគោលដៅនៃការគំរាមកំហែងបំផ្ទុះគ្រាប់បែកជាលើកទីពីរ នៅក្នុងសប្តាហ៍នេះ ខណៈអាជ្ញាធរចក្រភពអង់គ្លេសបានប្រកាសថ្កោលទោស និងចាត់ថ្នាក់ទង្វើនេះថាជា «ការគំរាមកំហែតភូតភរបំភ័យដ៏គ្រោះថ្នាក់បំផុត»។ ការគំរាមកំហែងនេះ បានបង្កផលប៉ះពាល់ដល់ជើងហោះហើរឆ្ពោះទៅកាន់ប្រទេសអូទ្រីស ប៊ែលហ្សិក ប៊ុលហ្ការី សាធារណរដ្ឋឆែក អ៊ីតាលី ប៉ូឡូញ និងរូម៉ានី ដោយជំរុញឱ្យយន្តហោះជាច្រើន ត្រូវបង្ខំចិត្តប្តូរទិសដៅចុះចត ឬត្រូវលុបចោលជើងហោះហើរ។ យ៉ាងណាមិញ រហូតមកទល់ពេលនេះ អាជ្ញាធរមិនទាន់រកឃើញសារធាតុផ្ទុះណាមួយនៅលើយន្តហោះ ឬទីតាំងកើតហេតុនៅឡើយទេ ហើយក៏មិនទាន់ច្បាស់ដែរថា តើករណីគំរាមកំហែងទាំងនេះ គឺជាការពិត ឬយ៉ាងណា ខណៈដែលអាជ្ញាធរអាកាសយានដ្ឋានក្នុងទីក្រុងជាច្រើនទូទាំងទ្វីបអឺរ៉ុប ទទួលបានសារគំរាមតាមរយៈអ៊ីមែល ដែលផ្ញើរដោយបុគ្គល ឬក្រុមមួយដែលមានឈ្មោះ «Fighters of the Male State» ដែលក្នុងសារនោះបានសរសេរថា នឹងប្រែពណ៌ផ្ទៃមេឃឱ្យទៅជាពណ៌ក្រហម។ គួរបញ្ជាក់ផងដែរថា ឈ្មោះបុគ្គល ឬក្រុម «Fighters of the Male State» នេះ ត្រូវបានគេជឿជាក់ថា សំដៅទៅលើក្រុមជ្រុលនិយមរុស្ស៊ី ដែលជាក្រុមមានទស្សនៈជ្រុលនិយមខ្លាំង រហូតត្រូវបានតុលាការតំបន់ Nizhny Novgorodប្រកាសបិទ និងចាត់ទុកថាជាក្រុមខុសច្បាប់កាលពីឆ្នាំ ២០២១។ តែទោះជាយ៉ាងណា ក្រុមនេះនៅតែរក្សាបានអ្នកគាំទ្ររាប់ម៉ឺននាក់តាមបណ្តាញអីនធឺណិត ខណៈដែលពួកគេបានសម្តែងការគាំទ្រយ៉ាងពេញទំហឹងចំពោះសង្រ្គាមឈ្លានពានរបស់រុស្ស៊ីលើប្រទេសអ៊ុយក្រែន៕  អត្ថបទ៖ រិទ្ធី ## Published fields - sourceLocale: km - translationKind: original - nodeId: 12 - authorText: - sourceName: ## References