{"asset":"news","key":"10960","locale":"km","id":"news:10960:km","entityId":"news:10960","canonicalUrl":"https://www.kps-tv.com/km/news/detail/10960","state":"ready","title":"វៀតណាមនឹងវាយតម្លៃហានិភ័យ និងពិចារណាវិធានការត្រៀមស្បៀងអាហារសម្រាប់គ្រាអាសន្ន","summary":"អ្នកនាំពាក្យក្រសួងការបរទេសវៀតណាមបានបញ្ជាក់ថា អាជ្ញាធរនឹងវាយតម្លៃហានិភ័យ និងពិចារណាវិធានការសមស្រប បន្ទាប់ពីប្រទេសមួយចំនួនណែនាំឱ្យពលរដ្ឋត្រៀមសម្ភារៈចាំបាច់សម្រាប់គ្រាអាសន្ន។","body":"រដ្ឋាភិបាលប្រទេសវៀតណាមបានប្រកាសថា ខ្លួននឹងពិចារណាយ៉ាងម៉ត់ចត់នូវវិធានការសមស្របទាំងឡាយណាដែលស្របតាមបរិបទជាក់ស្តែងរបស់ប្រទេស បន្ទាប់ពីប្រទេសមួយចំនួននៅជុំវិញពិភពលោក បានចេញការណែនាំជាបន្តបន្ទាប់ឱ្យពលរដ្ឋរបស់ខ្លួន ស្តុកទុកនូវស្បៀងអាហារ និងសម្ភារៈផ្គត់ផ្គង់ចាំបាច់ ឱ្យបានគ្រប់គ្រាន់សម្រាប់ទ្រទ្រង់ជីវភាព អំឡុងពេលមានគ្រោះអាសន្នកើតឡើង។\n\nការប្រកាសនេះធ្វើឡើងនៅក្នុងសន្និសីទសារព័ត៌មានកាលពីថ្ងៃទី ៥ ខែវិច្ឆិកាម្សិលមិញ បន្ទាប់ពីលោកស្រី Pham Thu Hang អ្នកនាំពាក្យក្រសួងការបរទេសវៀតណាម ត្រូវបានក្រុមអ្នកសារព័ត៌មានចោទសួរ ដើម្បីសុំការអត្ថាធិប្បាយជុំវិញការណែនាំកាលពីពេលថ្មីៗនេះ ពីបណ្តាប្រទេសមួយចំនួនដែលបារម្ភ និងជំរុញឱ្យពលរដ្ឋខ្លួនស្តុកទុកស្បៀងអាហារ និងសម្ភារៈចាំបាច់សម្រាប់រយៈពេលពី ៣ ទៅ ៧ ថ្ងៃ ក្នុងករណីមានអាសន្នកើតឡើង។\n\nគួរបញ្ជាក់ផងដែរថា ប្រទេសមួយចំនួននៅក្នុងទ្វីបអឺរ៉ុប រួមមាន ចក្រភពអង់គ្លេស និងហ្វាំងឡង់ ព្រមទាំងបណ្តាប្រទេសនៅទ្វីបអាស៊ី ដូចជា ជប៉ុន និងថៃ ជាដើម បានចេញការណែនាំដល់ពលរដ្ឋរបស់ខ្លួន ឱ្យរក្សាទុកស្បៀងអាហារ ទឹក និងសម្ភារៈប្រើប្រាស់ចាំបាច់ផ្សេងទៀតឱ្យបានគ្រប់គ្រាន់ ដើម្បីអាចរស់នៅដោយខ្លួនឯងយ៉ាងហោចណាស់ ៣ ថ្ងៃ ក្នុងករណីកើតមានគ្រោះមហន្តរាយធម្មជាតិ ឬអាសន្នណាមួយកើតឡើង៕ អត្ថបទ៖ រិទ្ធី","contentScope":"full","proof":{"publishedSourceRevision":"2","publishedWorkingVersionId":"17932","languageVersionId":"17086","visibilityVersion":"3","versionToken":"a1.-ZuZNZd62sPEKiHqoCME01AFlTSOFs8tTLTyel4EHJI"},"availableLocales":["zh","en","km"],"attributes":{"sourceLocale":"km","translationKind":"original","nodeId":"12","authorText":"","sourceName":""},"references":[],"links":[],"publishedAt":"2026-11-06T06:21:49Z"}