ស្ថានីយទូរទស្សន៍ខេត្តព្រះសីហនុ ថ្ងៃទី២៨ ខែសីហា។ សម្តេច ហ៊ុន ម៉ាណែត នាយករដ្ឋមន្ត្រីកម្ពុជា បានជូនពរបេក្ខជនទូទាំងប្រទេសដែលកំពុងប្រឡងបាក់ឌុបឆ្នាំសិក្សា២០២៤–២០២៥។ សម្តេចលើកទឹកចិត្តឱ្យពួកគេប្រើសមត្ថភាពពិតប្រាកដ និងរំឭកគោលការណ៍ «អ្នកចេះ គឺជាប់»។
សម្តេចថា លទ្ធផលឆ្លុះបញ្ចាំងការខិតខំរៀនមួយឆ្នាំរបស់សិស្ស និងការបង្រៀនពីថ្នាក់មូលដ្ឋានដល់ថ្នាក់ទី១២ ព្រមទាំងបង្ហាញសមត្ថភាពសិស្សនៅដំណាក់កាលនេះ។
សម្តេចក៏បានអបអរសាទរ និងអរគុណថ្នាក់ដឹកនាំក្រសួងអប់រំ គណៈកម្មការរៀបចំការប្រឡង អាជ្ញាធររាជធានី–ខេត្ត អ្នកអនុរក្ស និងអ្នកស្ម័គ្រចិត្ត ដែលជួយឱ្យការប្រឡងដំណើរការរលូន។
សម្តេចថា ការប្រឡងវាស់សមត្ថភាពសិស្ស និងជាជំហានសំខាន់ក្នុងការបណ្តុះធនធានមនុស្សជំនាន់ថ្មី ដើម្បីដាក់មូលដ្ឋានសម្រាប់ការអភិវឌ្ឍ និងភាពរីកចម្រើនរបស់កម្ពុជា។
សេចក្តីរាយការណ៍របស់ស្ថានីយទូរទស្សន៍ខេត្តព្រះសីហនុ។
