សន្ទស្សន៍នវានុវត្តន៍សកលឆ្នាំ២០២៥របស់អង្គការកម្មសិទ្ធិបញ្ញាពិភពលោក (WIPO) ដែលចេញផ្សាយនៅថ្ងៃទី១៦ ខែកញ្ញា បង្ហាញថា ស្វ៊ីសរក្សាលេខ១ជាឆ្នាំទី១៥ជាប់គ្នា ដោយមាន៦៦.០ពិន្ទុ។ ចិនដីគោកបានចូលកំពូល១០ជាលើកដំបូង ដោយជាប់លេខ១០ នាំមុខអាល្លឺម៉ង់។
កំពូល១០លើពិភពលោក៖
១. ស្វ៊ីស — ៦៦.០ពិន្ទុ
២. ស៊ុយអែត — ៦២.៦ពិន្ទុ
៣. សហរដ្ឋអាមេរិក — ៦១.៧ពិន្ទុ
៤. សាធារណរដ្ឋកូរ៉េ — ៦០.០ពិន្ទុ
៥. សិង្ហបុរី — ៥៩.៩ពិន្ទុ
៦. ចក្រភពអង់គ្លេស — ៥៩.១ពិន្ទុ
៧. ហ្វាំងឡង់ — ៥៧.៧ពិន្ទុ
៨. ហូឡង់ — ៥៧.០ពិន្ទុ
៩. ដាណឺម៉ាក — ៥៦.៩ពិន្ទុ
១០. ចិនដីគោក — ៥៦.៦ពិន្ទុ
ចំណាត់ថ្នាក់អាស៊ីអាគ្នេយ៍៖
សិង្ហបុរី — លេខ៥
ម៉ាឡេស៊ី — លេខ៣៤
វៀតណាម — លេខ៤៤
ថៃ — លេខ៤៥
ហ្វីលីពីន — លេខ៥០
ឥណ្ឌូណេស៊ី — លេខ៥៥
ព្រុយណេ — លេខ៨៨
កម្ពុជា — លេខ១០០
ឡាវ — លេខ១០៩
មីយ៉ាន់ម៉ា — លេខ១២២
ចំណាត់ថ្នាក់អាស៊ីខាងកើត និងអូសេអានី៖
សាធារណរដ្ឋកូរ៉េ — លេខ៤
ចិនដីគោក — លេខ១០
ជប៉ុន — លេខ១២
តំបន់រដ្ឋបាលពិសេសហុងកុង — លេខ១៥
អូស្ត្រាលី — លេខ២២
របាយការណ៍បានលើកឡើងថា ចិនដីគោកបន្តនាំមុខក្រុមសេដ្ឋកិច្ចចំណូលមធ្យម និងមានសន្ទុះខ្លាំងលើវិនិយោគស្រាវជ្រាវ និងអភិវឌ្ឍន៍ ការនាំចេញបច្ចេកវិទ្យាខ្ពស់ និងទិន្នផលនវានុវត្តន៍។ ចិនមានចង្កោមនវានុវត្តន៍២៤ ក្នុងកំពូល១០០របស់ពិភពលោក និងនាំមុខលើពាក្យសុំប៉ាតង់អន្តរជាតិ ដោយរួមចំណែកប្រមាណមួយភាគបួននៃចំនួនសកលក្នុងឆ្នាំ២០២៤។
អាស៊ីខាងកើត និងអាស៊ីអាគ្នេយ៍នៅតែជាកម្លាំងសំខាន់នៃនវានុវត្តន៍សកល។ សាធារណរដ្ឋកូរ៉េ និងសិង្ហបុរីមានសមិទ្ធផលល្អលើការស្រាវជ្រាវ និងអភិវឌ្ឍន៍របស់អាជីវកម្ម ការអប់រំ និងហេដ្ឋារចនាសម្ព័ន្ធ។ វិនិយោគស្រាវជ្រាវ និងអភិវឌ្ឍន៍ក្នុងអាស៊ានកើនជាមធ្យម៨.៥%ក្នុងមួយឆ្នាំពីឆ្នាំ២០០០ដល់២០២៣ ខណៈការនាំចេញបច្ចេកវិទ្យាខ្ពស់កើនលើសពីរដងពីឆ្នាំ២០១៥ដល់២០២២ ដែលបង្ហាញពីការរួមតូចនៃគម្លាតជាមួយអ្នកនាំមុខនវានុវត្តន៍សកល។
WIPO ក៏បានព្រមានអំពីបញ្ហាប្រឈមចំពោះនវានុវត្តន៍សកល។ កំណើនវិនិយោគស្រាវជ្រាវ និងអភិវឌ្ឍន៍សកលបានថយដល់២.៩%ក្នុងឆ្នាំ២០២៤ ដែលជាកម្រិតទាបបំផុតចាប់តាំងពីឆ្នាំ២០១០ ហើយរំពឹងថានឹងថយបន្ថែមដល់២.៣%ក្នុងឆ្នាំ២០២៥។ កំណើនចំណាយស្រាវជ្រាវ និងអភិវឌ្ឍន៍របស់ក្រុមហ៊ុនមានត្រឹម១%ក្រោយកែសម្រួលអតិផរណា ទាបជាងមធ្យមក្នុងទសវត្សរ៍មុន។
ចងក្រងដោយស្ថានីយ
