យោងតាមសារព័ត៌មានកម្ពុជា កាលពីម្សិលមិញ នាយករដ្ឋមន្ត្រី ហ៊ុន ម៉ាណែត និងភរិយា បានជួបក្រុមគ្រួសារយោធិនកម្ពុជាដែលជាប់ឃុំទាំង១៨រូប និងពិភាក្សាអំពីបញ្ហាពាក់ព័ន្ធ។
ក្នុងជំនួបនេះ លោក ហ៊ុន ម៉ាណែត បានសាកសួរអំពីស្ថានភាពរបស់ក្រុមគ្រួសារ សម្តែងការយកចិត្តទុកដាក់ និងបញ្ជាក់ជាថ្មីថា រដ្ឋាភិបាលកម្ពុជាកំពុងចាត់វិធានការដែលអាចធ្វើទៅបានទាំងអស់ ដើម្បីស្វែងរកដំណោះស្រាយប្រកបដោយសុវត្ថិភាព និងឆាប់រហ័ស ដើម្បីការពារអាយុជីវិត និងសុវត្ថិភាពរបស់យោធិនទាំង១៨រូប។
ស្ថាប័នរដ្ឋាភិបាលពាក់ព័ន្ធក៏កំពុងខិតខំជំរុញការងារ ដើម្បីឱ្យយោធិនទាំងអស់បានដោះលែងឱ្យបានឆាប់។ លោកនាយករដ្ឋមន្ត្រីបានសង្កត់ធ្ងន់ថា ការការពារអាយុជីវិតប្រជាពលរដ្ឋ និងសេចក្តីថ្លៃថ្នូររបស់ជាតិ ជាភារកិច្ចសំខាន់របស់រដ្ឋាភិបាល ហើយបានអំពាវនាវឱ្យសង្គមយោគយល់ និងគាំទ្រ។
សេចក្តីរាយការណ៍បានវាយតម្លៃថា ជំនួបនេះបង្ហាញពីការយកចិត្តទុកដាក់របស់រដ្ឋាភិបាលកម្ពុជា ចំពោះគ្រួសារយោធិន និងសុវត្ថិភាពអ្នកជាប់ឃុំ ព្រមទាំងបង្កើតមូលដ្ឋានសម្រាប់ការខិតខំដោះស្រាយបញ្ហានេះបន្តទៀត។
ចងក្រងដោយស្ថានីយ
