តាមសារព័ត៌មានកម្ពុជា ក្រសួងអប់រំបានប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៥ នៅថ្ងៃទី២០ ខែកញ្ញា។ បេក្ខជនមកពីខេត្តបន្ទាយមានជ័យ ឃុន ដាលីណា ទទួលបាននិទ្ទេស A លំដាប់ពិន្ទុ១០០.០០ និងជាប់លេខ១ទូទាំងប្រទេស។ ដើម្បីលើកទឹកចិត្តដល់សមិទ្ធផលសិក្សានេះ រាជរដ្ឋាភិបាលនឹងផ្ដល់រង្វាន់រថយន្តអគ្គិសនីមួយគ្រឿងតាមគោលនយោបាយ។
បេក្ខជនប្រឡងជាប់ទូទាំងប្រទេសសរុបមានចំនួន១២២.៤៧៣នាក់ ក្នុងនោះនិទ្ទេស A ចំនួន៣.០០៣នាក់ និទ្ទេស B ចំនួន៩.៩០១នាក់ និទ្ទេស C ចំនួន២៨.៨០១នាក់ និទ្ទេស D ចំនួន៤៥.៨៥៩នាក់ និងនិទ្ទេស E ចំនួន៣៤.៩០៩នាក់។
មុនពេលប្រឡង ក្រសួងអប់រំបានប្រកាសវិធានការលើកទឹកចិត្តថា សិស្សដែលទទួលបាននិទ្ទេស A និងលំដាប់ពិន្ទុ១០០.០០ នឹងទទួលបានរថយន្តអគ្គិសនី ដើម្បីធ្វើជាគំរូ និងលើកទឹកចិត្តឱ្យសិស្សដទៃខិតខំរៀនសូត្រ។ ឃុន ដាលីណា ជាបេក្ខជនម្នាក់ក្នុងចំណោមអ្នកទទួលផលដំបូងពីគោលនយោបាយនេះ។
តាមសេចក្ដីរាយការណ៍ ក្រសួងអប់រំបានចុះកិច្ចព្រមព្រៀងសហប្រតិបត្តិការជាមួយក្រុមហ៊ុន TF Motors (Cambodia) Co., Ltd. កាលពីខែកក្កដា។ តាមកិច្ចព្រមព្រៀង បេក្ខជនជាប់លេខ១នឹងទទួលបានរថយន្តអគ្គិសនី Leapmotor T03 ដែលមានតម្លៃទីផ្សារប្រមាណ១៥.៩៩០ដុល្លារអាមេរិក។ គំនិតផ្ដួចផ្ដើមនេះបង្ហាញពីការយកចិត្តទុកដាក់ដល់សិស្សឆ្នើម និងកិច្ចសហការរវាងវិស័យអប់រំនិងអាជីវកម្ម ក្នុងការលើកទឹកចិត្តធនធានមនុស្ស។
រាយការណ៍សរុបដោយស្ថានីយនេះ
