តាមប្រព័ន្ធផ្សព្វផ្សាយក្នុងស្រុក ប្រមុខរដ្ឋស្ដីទីកម្ពុជា សម្ដេច ហ៊ុន សែន ផ្ញើលិខិតជូនប្រធានាធិបតីចិន លោក ស៊ី ជីនពីង ថ្ងៃទី២៦ ខែកញ្ញា ដើម្បីអបអរសាទរខួប៧៦ឆ្នាំនៃការបង្កើតសាធារណរដ្ឋប្រជាមានិតចិន។
សម្ដេចអបអរសាទរជូនលោក ស៊ី គណបក្សកុម្មុយនីស្តចិន រដ្ឋាភិបាលនិងប្រជាជនចិន តំណាងស្ថាប័ននីតិប្បញ្ញត្តិ នីតិប្រតិបត្តិ និងប្រជាជនកម្ពុជា គណបក្សប្រជាជនកម្ពុជា និងរូបសម្ដេចផ្ទាល់។ សម្ដេចកោតសរសើរចិនដែលសម្រេចគោលដៅសតវត្សរ៍ទី១ និងសង្គមសម្បូរធូរធារមធ្យម ក្រោមការដឹកនាំគណបក្សកុម្មុយនីស្តនិងលោក ស៊ី ហើយឈានទៅគោលដៅសតវត្សរ៍ទី២ ឆ្នាំ២០៤៩។ សម្ដេចថា សមិទ្ធផលនេះកែលម្អសុខុមាលភាពប្រជាជនចិន និងរួមចំណែកដល់សន្តិភាព ស្ថិរភាព និងវិបុលភាពតំបន់និងពិភពលោក។
សម្ដេចថា កម្ពុជាឱ្យតម្លៃមិត្តភាពដែកថែប និងភាពជាដៃគូយុទ្ធសាស្ត្រគ្រប់ជ្រុងជ្រោយជាមួយចិន។ ដំណើរទស្សនកិច្ចជោគជ័យរបស់លោក ស៊ី នៅកម្ពុជាកាលពីខែមេសា ជាព្រឹត្តិការណ៍សំខាន់ដែលពង្រឹងទំនាក់ទំនង និងជំរុញសហគមន៍ជោគវាសនារួមកម្ពុជា–ចិនគ្រប់កាលៈទេសៈក្នុងយុគសម័យថ្មី ដើម្បីប្រយោជន៍ប្រជាជនទាំងពីរ។
សម្ដេចបញ្ជាក់ការប្ដេជ្ញាសហការជិតស្និទ្ធជាមួយលោក ស៊ី ដើម្បីពង្រឹងមិត្តភាពនិងកិច្ចសហប្រតិបត្តិការយូរអង្វែង រវាងប្រទេស គណបក្ស និងប្រជាជនទាំងពីរ។
