ប៉ូលិសភ្នំពេញថា បានបង្ក្រាបក្រុមជួញដូរគ្រឿងញៀន និងលាងលុយ

ប៉ូលិសកម្ពុជាថា ប្រតិបត្តិការបង្ក្រាបគ្រឿងញៀនជាបន្តបន្ទាប់នៅភ្នំពេញ បានបំបែកក្រុមជួញដូរគ្រឿងញៀននិងលាងលុយឆ្លងដែន ដោយរឹបអូសគ្រឿងញៀនប្រមាណ៩៥គីឡូក្រាម និងវត្ថុតាងជាច្រើន។

តាមប៉ូលិស ប្រតិបត្តិការធ្វើឡើងនៅទីតាំងជាច្រើនក្នុងខណ្ឌសែនសុខ ពីថ្ងៃទី១៦ដល់១៨ ខែកញ្ញា។ ជនសង្ស័យសំខាន់៣នាក់ ជាបុរសវៀតណាម២នាក់ និងបុរសខ្មែរម្នាក់ ត្រូវឃាត់ខ្លួន។ ពួកគេត្រូវបានចោទប្រកាន់ ហើយសំណុំរឿងបញ្ជូនទៅសាលាដំបូងរាជធានីភ្នំពេញ។

សមត្ថកិច្ចថា ប្រតិបត្តិការបង្ហាញការមិនអត់ឱនចំពោះបទល្មើសគ្រឿងញៀន និងកំពុងតាមរកជនសង្ស័យផ្សេងទៀត ដើម្បីបំបែកបណ្ដាញនេះទាំងស្រុង។

រាយការណ៍សរុបដោយ KPS99TV។