តាមរបាយការណ៍ថ្មីរបស់គយកម្ពុជា ក្នុងឆ្នាំ ២០២៥ ពីខែ មករា ដល់ខែ កញ្ញា ពាណិជ្ជកម្មកម្ពុជា-ចិនមាន ១៤.២០៨ពាន់លានដុល្លារ កើនពីឆ្នាំ ២០២៤ ដែលរយៈពេលដូចគ្នាមាន ១១.១ពាន់លានដុល្លារ ចំនួន ២៧.៥%។ ការនាំចូលពីចិនមាន ១៣.០២ពាន់លានដុល្លារ កើន ៣២% ខណៈនាំចេញទៅចិនមាន ១.១៨ពាន់លានដុល្លារ ថយ ៧.៧%។ ឱនភាពពាណិជ្ជកម្មផ្ដោតលើគ្រឿងម៉ាស៊ីន អេឡិចត្រូនិក និងទំនិញប្រើប្រាស់ប្រចាំថ្ងៃ។
ចិនបន្តជាដៃគូពាណិជ្ជកម្មធំបំផុតរបស់កម្ពុជា ដោយទំហំពាណិជ្ជកម្មលើសឆ្ងាយពីអាមេរិកដែលឈរលេខពីរ។
ក្នុងឆ្នាំ២០២៥ ពីខែ មករា ដល់ខែ កញ្ញា ពាណិជ្ជកម្មអន្តរជាតិកម្ពុជាមាន ៤៦.៩៩ពាន់លានដុល្លារ កើន ១៤.៨%។ ការនាំចេញមាន ២២.៣៨ពាន់លានដុល្លារ កើន ១២.៩% និងនាំចូល ២៤.៦១ពាន់លានដុល្លារ កើន ១៦.៦%។ ឱនភាពមាន ២.២២ពាន់លានដុល្លារ កើនពីឆ្នាំ ២០២៤ ដែលរយៈពេលដូចគ្នាមាន ១.២៧ពាន់លានដុល្លារ។ ចិន អាមេរិក វៀតណាម ថៃ និងជប៉ុនជាដៃគូសំខាន់ៗ ខណៈសម្លៀកបំពាក់ ស្បែកជើង និងផលិតផលកៅស៊ូនៅជាទំនិញនាំចេញចម្បង។
សហគ្រាសឯកជនចិនបាននាំផលិតផលមានគុណភាពនិងសេវាមានប្រសិទ្ធភាពទៅទីផ្សារពិភពលោក ជាពិសេសទីផ្សារកំពុងរីកចម្រើន តាមរយៈភាពបើកចំហ នវានុវត្តន៍បច្ចេកវិទ្យា និងការផ្លាស់ប្ដូរបៃតង។ អត្ថបទយល់ថា កម្ពុជាជាគោលដៅថ្មីសម្រាប់ការពង្រីកអាជីវកម្មចិនទៅក្រៅប្រទេសនិងផ្ទេរឧស្សាហកម្ម ដែលស្របតាមតម្រូវការឧស្សាហកម្ម ឱកាសគោលនយោបាយ និងសមត្ថភាពតភ្ជាប់របស់កម្ពុជា។
កម្ពុជាកំពុងក្លាយជាមជ្ឈមណ្ឌលសំខាន់នៃការធ្វើឱ្យឧស្សាហកម្មប្រសើរឡើងក្រោមវិធីសាស្ត្រ «ចិន+១»។
រាយការណ៍សរុបដោយស្ថានីយនេះ
