ស្ថានីយទូរទស្សន៍ខេត្តព្រះសីហនុ រាយការណ៍នៅថ្ងៃទី២៧ ខែកក្កដាថា ដើម្បីកុំឱ្យភាគីម្ខាងទៀតដឹងពីទីតាំងឈរជើង និងការចល័តរបស់កងទ័ពកម្ពុជា នាយកដ្ឋានប្រឆាំងបទល្មើសបច្ចេកវិទ្យានៃនគរបាលជាតិកម្ពុជា បានចេញសេចក្ដីអំពាវនាវនៅថ្ងៃដដែល។
នាយកដ្ឋានបានស្នើឱ្យសាធារណជន និងអ្នកយកព័ត៌មាន កុំថត ចែករំលែក ឬបង្ហោះតាមបណ្ដាញសង្គមនូវរូបភាព ឬវីដេអូដែលបង្ហាញពីទីតាំងឈរជើង ការចល័ត ឬប្រតិបត្តិការយោធាពាក់ព័ន្ធ ដើម្បីកុំឱ្យបែកធ្លាយទីតាំងកងទ័ព។
ជាមួយគ្នានេះ នាយកដ្ឋានបានណែនាំឱ្យបិទមុខងារកំណត់ទីតាំងលើទូរស័ព្ទ ដើម្បីជៀសវាងការបែកធ្លាយព័ត៌មានទីតាំងនៅពេលថត និងបង្ហោះរូបភាព។
ជាចុងក្រោយ នាយកដ្ឋានប្រឆាំងបទល្មើសបច្ចេកវិទ្យាបានថ្លែងអំណរគុណដល់ប្រជាពលរដ្ឋទាំងអស់ ចំពោះសាមគ្គីភាព និងការគាំទ្ររបស់ពួកគេ។
រៀបរៀងដោយស្ថានីយទូរទស្សន៍ខេត្តព្រះសីហនុ។
