កម្ពុជាទទួលភ្ញៀវចិនជិត៧៨ម៉ឺន៥ពាន់នាក់ក្នុង៨ខែដំបូង

អនុរដ្ឋលេខាធិការក្រសួងទេសចរណ៍ ដែលអត្ថបទចិនសរសេរឈ្មោះថា «恒索忠良» បានឱ្យដឹងថា ៨ខែដំបូងឆ្នាំ២០២៥ កម្ពុជាទទួលភ្ញៀវអន្តរជាតិប្រមាណ៤លាន៥ម៉ឺននាក់។ ក្នុងនោះភ្ញៀវចិនជិត៧៨ម៉ឺន៥ពាន់នាក់ កើនជាង៤៥ភាគរយធៀបឆ្នាំមុន និងស្មើជិតមួយភាគប្រាំនៃភ្ញៀវអន្តរជាតិសរុប។

មន្ត្រីរូបនេះថា កំណើនភ្ញៀវចិនបង្កើតឱកាសសំខាន់សម្រាប់ទេសចរណ៍និងវិនិយោគពាក់ព័ន្ធ។ សកម្មភាព «ឆ្នាំទេសចរណ៍កម្ពុជា–ចិន២០២៥» នឹងពង្រឹងការផ្លាស់ប្តូរទេសចរណ៍ និងជួយសម្រួលការធ្វើដំណើររវាងប្រទេសទាំងពីរ។

ទេសចរណ៍ជាសសរស្តម្ភមួយក្នុងចំណោមសសរស្តម្ភសេដ្ឋកិច្ច៤របស់កម្ពុជា និងចូលរួមធ្វើពិពិធកម្មសេដ្ឋកិច្ច។ អត្ថបទថា កំណើនភ្ញៀវចិនបន្តផ្តល់សន្ទុះថ្មី និងបង្ហាញសក្តានុពលនៃកិច្ចសហប្រតិបត្តិការទេសចរណ៍ទ្វេភាគី។

ស្ថានីយទូរទស្សន៍ខេត្តព្រះសីហនុ រាយការណ៍សរុប