នាវានេសាទចេញពីកម្ពុជា ត្រូវស្ទាក់ចាប់ក្បែរតៃវ៉ាន់ ជាមួយគ្រឿងញៀនជាង៧១៨គីឡូក្រាម

នាវានេសាទឈ្មោះ YAMA68 ដែលចេញពីកម្ពុជា និងលើកទង់សាធារណរដ្ឋចិន ត្រូវបានស្ទាក់ចាប់ក្នុងដែនទឹកក្បែរតៃវ៉ាន់ ដោយរបាយការណ៍ថា មានគ្រឿងញៀន៧១៨គីឡូក្រាមនៅលើនាវា។ នាវិកមកពីចិនដីគោក៤នាក់ត្រូវបានចាប់ខ្លួន។

ក្រុមស៊ើបអង្កេត Tainan នៃអាជ្ញាធរឆ្មាំសមុទ្រតៃវ៉ាន់ បានរាយការណ៍ថា ថ្ងៃទី២២ ខែកញ្ញា ក្រុមការងារប្រទះនាវាសង្ស័យនៅភាគនិរតី Maobitou ខេត្ត Pingtung ហើយបានស្ទាក់ និងត្រួតពិនិត្យ។ មន្ត្រីរកឃើញគ្រឿងញៀនជាង៧១៨គីឡូក្រាម ដែលប៉ាន់តម្លៃ១ពាន់៥រយលានដុល្លារតៃវ៉ាន់ ប្រហែល៣៨៥លានដុល្លារហុងកុង។

ប្រធាននាវាត្រកូល Sun និងនាវិក៣នាក់ទៀត សុទ្ធតែមកពីចិនដីគោក ត្រូវបានបញ្ជូនទៅអាជ្ញាធរតុលាការ។ ករណីនេះបន្តស្ថិតក្រោមការស៊ើបអង្កេត។

ស្ថានីយសរុបព័ត៌មាន។