នៅថ្ងៃទី១៤ ខែតុលា សាលាដំបូងរាជធានីភ្នំពេញបានបញ្ជាឱ្យឃុំខ្លួនជនសង្ស័យបុរសជនជាតិវៀតណាមពីរនាក់នៅពន្ធនាគារព្រៃស ដើម្បីរង់ចាំការជំនុំជម្រះ។
អ្នកត្រូវឃុំខ្លួនមានឈ្មោះ Phan Huu Khanh អាយុ២៨ឆ្នាំ និង Phan Thanh Dat អាយុ២៦ឆ្នាំ។ ពួកគេត្រូវបានសង្ស័យថាពាក់ព័ន្ធនឹងការឆបោក ល្បែងអនឡាញ ការក្លែងបន្លំ និងសកម្មភាពពាក់ព័ន្ធ ក្នុងខណ្ឌច្បារអំពៅ រាជធានីភ្នំពេញ នៅថ្ងៃទី៩ ខែតុលា។ សំណុំរឿងត្រូវបានបញ្ជូនទៅអយ្យការដើម្បីចាត់ការតាមច្បាប់។
ចាប់ពីថ្ងៃទី២៧ ខែមិថុនា ឆ្នាំ២០២៥ សមត្ថកិច្ចកម្ពុជាបានធ្វើប្រតិបត្តិការបង្ក្រាបការឆបោកអនឡាញទូទាំងប្រទេស ដោយបញ្ជូនមេខ្លោងនិងអ្នករួមគំនិតដែលត្រូវបានចោទប្រកាន់ចំនួន៧១នាក់ទៅតុលាការ និងបណ្ដេញជនសង្ស័យបរទេសប្រមាណ២៥០០នាក់ចេញពីប្រទេស ក្នុងនោះមានជនជាតិចិន កូរ៉េខាងត្បូង ជប៉ុន វៀតណាម និងមីយ៉ាន់ម៉ា។
រដ្ឋាភិបាលកម្ពុជាបានចាប់ផ្ដើមយុទ្ធនាការបង្ក្រាបការឆបោកអនឡាញទូទាំងប្រទេសជាផ្លូវការចាប់ពីថ្ងៃទី១៤ ខែកក្កដា ដោយបង្កើនការអនុវត្តច្បាប់និងកិច្ចសហប្រតិបត្តិការអន្តរជាតិ ដើម្បីរុះរើបណ្ដាញឧក្រិដ្ឋកម្ម និងរក្សាសន្តិសុខសង្គមនិងរូបភាពប្រទេស។
រាយការណ៍សរុបដោយស្ថានីយនេះ
