នៅរំលងអធ្រាត្រឈានចូលថ្ងៃទី១០ ខែវិច្ឆិកា នាយកដ្ឋានប្រឆាំងគ្រឿងញៀននៃអគ្គស្នងការដ្ឋាននគរបាលជាតិបានចុះបង្ក្រាបកន្លែងកម្សាន្តឈ្មោះ «មណ្ឌលកម្សាន្តអន្តរជាតិបាវិត» នៅក្រុងបាវិត ខេត្តស្វាយរៀង ក្រោមការសង្ស័យពីការជួញដូរ និងប្រើប្រាស់គ្រឿងញៀន។ នគរបាលបានបិទទីតាំង ឃាត់ខ្លួនអ្នកសង្ស័យពាក់ព័ន្ធជាង៣០០នាក់ និងដកហូតគ្រឿងញៀននិងវត្ថុតាងជាច្រើន។
ប្រតិបត្តិការនេះធ្វើឡើងតាមបញ្ជារបស់អគ្គស្នងការនគរបាលជាតិ នាយឧត្តមសេនីយ៍ ស ថេត និងដឹកនាំផ្ទាល់ដោយប្រធាននាយកដ្ឋានប្រឆាំងគ្រឿងញៀន។ នគរបាលថា ពេលកម្លាំងចូលទីតាំងក្នុងកណ្ដាលក្រុង បានប្រទះឃើញមនុស្សមួយចំនួនកំពុងលក់និងប្រើប្រាស់គ្រឿងញៀន។ ការស្រាវជ្រាវដំបូងបង្ហាញថា ក្នុងចំណោមជនសង្ស័យមានជនជាតិកម្ពុជា ចិន និងវៀតណាម។
ជនសង្ស័យនិងវត្ថុតាងទាំងអស់ត្រូវបានបញ្ជូនទៅនាយកដ្ឋានប្រឆាំងគ្រឿងញៀន ដើម្បីសាកសួរនិងប្រមូលភស្តុតាងបន្ថែម។ នគរបាលថា នឹងបន្តស្រាវជ្រាវខ្សែសង្វាក់ផ្គត់ផ្គង់និងបណ្ដាញឆ្លងដែន ចាត់ការតាមច្បាប់យ៉ាងតឹងរ៉ឹងចំពោះអ្នកពាក់ព័ន្ធ និងរក្សាសណ្ដាប់ធ្នាប់និងសុវត្ថិភាពសាធារណៈ។
ស្ថានីយនេះចងក្រង។
