អគ្គស្នងការដ្ឋាននគរបាលជាតិ នៃក្រសួងមហាផ្ទៃកម្ពុជា សហការជាមួយនគរបាលខេត្តស្វាយរៀង បានធ្វើប្រតិបត្តិការពិសេសនៅក្រុងបាវិត នាយប់ថ្ងៃទី៣ ខែធ្នូ និងបង្ក្រាបទីតាំងប្រព្រឹត្តបទល្មើសឆ្លងដែនមួយ។ ក្នុងប្រតិបត្តិការនេះ នគរបាលបានចាប់ខ្លួនអ្នកពាក់ព័ន្ធ៨នាក់ រួមមានជនជាតិចិន២នាក់ និងជនជាតិមីយ៉ាន់ម៉ា៦នាក់។
ការស៊ើបអង្កេតបង្ហាញថា ក្រុមនេះត្រូវបានសង្ស័យថាបានឃុំឃាំងជនជាតិចិន៦នាក់ដោយខុសច្បាប់ និងប្រើអំពើហិង្សាដើម្បីជំរិតទារប្រាក់លោះ។ មន្ត្រីអនុវត្តច្បាប់បានគ្រប់គ្រងស្ថានការណ៍យ៉ាងឆាប់រហ័ស រំដោះជនរងគ្រោះទាំងអស់ដោយសុវត្ថិភាព ព្រមទាំងដកហូតយានយន្តពាក់ព័ន្ធនឹងសំណុំរឿង និងសម្ភារៈជាច្រើនដែលប្រើសម្រាប់ឃុំឃាំងខុសច្បាប់។
នគរបាលបានបញ្ជាក់ថា ជនសង្ស័យទាំងអស់ត្រូវបានឃាត់ខ្លួនតាមច្បាប់ ហើយសំណុំរឿងកំពុងបន្តស៊ើបអង្កេត។ ក្រសួងមហាផ្ទៃបានរំលឹកថា នឹងបន្តពង្រឹងការបង្ក្រាបបទល្មើសឆ្លងដែន និងខិតខំការពារសុវត្ថិភាពសាធារណៈ ព្រមទាំងសិទ្ធិនិងផលប្រយោជន៍របស់ជនបរទេសនៅកម្ពុជា។
រាយការណ៍សរុបដោយស្ថានីយយើង
