អ្នកនាំពាក្យក្រសួងការពារជាតិកម្ពុជាថា ការប្រយុទ្ធតាមព្រំដែនកម្ពុជា–ថៃនៅតែបន្តនាព្រឹកព្រលឹមថ្ងៃទី២៧ ខែកក្កដា

ស្ថានីយទូរទស្សន៍ខេត្តព្រះសីហនុ រាយការណ៍នៅថ្ងៃទី២៧ ខែកក្កដាថា លោកជំទាវ ម៉ាលី សុជាតា អ្នកនាំពាក្យក្រសួងការពារជាតិកម្ពុជា បានឱ្យដឹងថា នៅថ្ងៃដដែល កងទ័ពថៃនៅតែបន្តបាញ់គ្រាប់ផ្លោងមកលើភាគីកម្ពុជា និងបានបញ្ជូនកងទ័ពថ្មើរជើងចូលក្នុងទឹកដីកម្ពុជា។

លោកជំទាវបានថ្លែងថា កងទ័ពកម្ពុជានៅតែឈរជើងការពារទីតាំងរបស់ខ្លួន ពីម៉ោង២ទៀបភ្លឺដល់ម៉ោង៦ព្រឹកថ្ងៃដដែល និងប្រយុទ្ធយ៉ាងអង់អាចក្លាហានដើម្បីការពារទីតាំងនៅសមរភូមិ។

ទោះបីកម្ពុជាបានយល់ព្រមលើសំណើរបស់ប្រធានាធិបតីសហរដ្ឋអាមេរិក ដូណាល់ ត្រាំ ឱ្យឈប់បាញ់ភ្លាមៗដោយគ្មានលក្ខខណ្ឌក៏ដោយ លោកជំទាវ ម៉ាលី សុជាតា បានអះអាងថា កងទ័ពថៃនៅតែបន្តវាយប្រហារយ៉ាងខ្លាំងក្លានៅលើសមរភូមិ ហើយមិនទាន់ឆ្លើយតបនឹងការអំពាវនាវឱ្យឈប់បាញ់តាមរយៈសកម្មភាពលើសមរភូមិឡើយ។

អ្នកយកព័ត៌មាន៖ Nget Pisan

អ្នកកែសម្រួល៖ Zhao Yi