ស្ថានីយទូរទស្សន៍ខេត្តព្រះសីហនុបានរាយការណ៍នៅថ្ងៃទី៣១ ខែកក្កដាថា តាមសេចក្តីប្រកាសរបស់ក្រសួងអប់រំ យុវជន និងកីឡានៅថ្ងៃដដែល សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នឹងផ្តល់ «អាហារូបករណ៍សម្តេចតេជោ» ជូននិស្សិត ១៧២នាក់ដែលបានត្រឡប់ពីប្រទេសថៃ ដើម្បីបន្តការសិក្សានៅគ្រឹះស្ថានឧត្តមសិក្សាសាធារណៈ ឬឯកជនក្នុងប្រទេសកម្ពុជា។
ចាប់ពីការផ្ទុះអាវុធតាមព្រំដែនកម្ពុជា-ថៃនៅថ្ងៃទី២៤ ខែកក្កដា រហូតដល់ព្រឹកថ្ងៃទី៣០ ខែកក្កដា និស្សិតកម្ពុជាចំនួន ៤២៣នាក់ដែលសិក្សានៅប្រទេសថៃបានវិលត្រឡប់មកកម្ពុជាវិញ។ ក្នុងនោះ ១៧២នាក់បានស្នើសុំអាហារូបករណ៍ពីក្រសួងអប់រំ យុវជន និងកីឡា។
ក្រសួងបានជូនដំណឹងឱ្យនិស្សិតទាំងនោះទាក់ទងគ្រឹះស្ថានឧត្តមសិក្សាពាក់ព័ន្ធឱ្យបានឆាប់ ដើម្បីរៀបចំឯកសារ និងដាក់ពាក្យស្នើសុំចូលរៀន។ ក្រសួងក៏បានចាត់តាំងលោក ហុង គីមជាង អនុរដ្ឋលេខាធិការ ជាអ្នកសម្របសម្រួល។ និស្សិតអាចទាក់ទងលោកតាមទូរសព្ទ ឬ Telegram តាមលេខ 012225303 ដើម្បីសុំជំនួយ។
អ្នកយកព័ត៌មាន៖ Nget Pisan
កែសម្រួល៖ Zhao Yi
