ព័ត៌មានទាំងអស់

កុមារកម្ពុជាជាច្រើននាក់កំពុងបាត់បងជម្រកនិងការសិក្សាដោយសារការឈ្លានពានពីកងទ័ពថៃ

តាមសេចក្តីរាយការណ៍នេះ ការប្រយុទ្ធតាមព្រំដែនបានបង្ខំឱ្យប្រជាពលរដ្ឋជាច្រើនជម្លៀសខ្លួន និងធ្វើឱ្យកុមារបាត់បង់ជម្រក និងការសិក្សា។ រូបភាពដែលមន្ទីរព័ត៌មានខេត្តព្រះវិហារបង្ហាញនៅថ្ងៃទី២៥ ខែកក្កដា ឆ្នាំ២០២៥ បង្ហាញពីប្រជាពលរដ្ឋជិត១ម៉ឺននាក់ រួមទាំងកុមារ កំពុងស្នាក់នៅបណ្ដោះអាសន្ននៅមណ្ឌលសុវត្ថិភាពវត្តពោធិ៍៥០០០ដើម។

ក្រសួងវប្បធម៌កម្ពុជាស្នើអង្គការយូណេស្កូឱ្យការពារប្រាសាទព្រះវិហារក្រោយទ័ពថៃផ្លោងគ្រាប់ត្រូវ

ក្រសួងវប្បធម៌ និងវិចិត្រសិល្បៈកម្ពុជា បានស្នើសហប្រធាន ICC-Preah Vihear និងតំណាងអង្គការយូណេស្កូនៅភ្នំពេញ ឱ្យចាត់វិធានការជាបន្ទាន់ការពារប្រាសាទព្រះវិហារ និងស្នើប្រើយន្តការរបស់យូណេស្កូដើម្បីវាយតម្លៃផលប៉ះពាល់ សម្រាប់កិច្ចពិភាក្សារបស់គណៈកម្មាធិការបេតិកភណ្ឌពិភពលោកនាពេលខាងមុខ។

រដ្ឋមន្រ្តីអប់រំកម្ពុជា៖ថៃទម្លាក់គ្រាប់៤គ្រាប់ចូលក្នុងទីធ្លាសាលាបឋមសិក្សាមនោរម្យ១+២ ស្រុកបន្ទាយអំពិល

រដ្ឋមន្ត្រីក្រសួងអប់រំ យុវជន និងកីឡា ឯកឧត្តម ហង់ ជួនណារ៉ុន បានឱ្យដឹងថា នៅថ្ងៃទី២៥ ខែកក្កដា មានគ្រាប់ចំនួន៤គ្រាប់ធ្លាក់ចូលក្នុងទីធ្លាសាលាបឋមសិក្សាមនោរម្យ១ និងមនោរម្យ២ ស្រុកបន្ទាយអំពិល ខេត្តឧត្តរមានជ័យ។

សាលារៀន២៦០ទីតាំងត្រូវបានផ្អាកខណៈជនភៀសសឹក៣,៤៣៦គ្រួសារកំពុងនៅកន្លែងសុវត្ថិភាពក្នុងខេត្តឧត្តរមានជ័យ

តាមលោក ម៉េត មាសភក្តី អភិបាលរងខេត្តឧត្តរមានជ័យ សាលារៀនចំនួន ២៦០ទីតាំងក្នុងខេត្តត្រូវបានផ្អាក។ គិតត្រឹមថ្ងៃត្រង់ថ្ងៃទី២៥ ខែកក្កដា ឆ្នាំ២០២៥ មានជនភៀសសឹកចំនួន ៣,៤៣៦គ្រួសារ កំពុងស្ថិតនៅទីទួលសុវត្ថិភាពក្នុងខេត្ត។

马德望口岸涌现返乡潮

កម្ពុជាត្រៀមប្តឹងថៃដែលទម្លាក់គ្រាប់បែកលើប្រាសាទព្រះវិហារជាបេតិកភណ្ឌពិភពលោក

តាមសេចក្តីរាយការណ៍ ក្រសួងវប្បធម៌ និងវិចិត្រសិល្បៈបានប្រកាសត្រៀមប្តឹងថៃពាក់ព័ន្ធនឹងការខូចខាតប្រាសាទព្រះវិហារ។ ក្នុងសេចក្តីថ្លែងការណ៍ថ្ងៃទី២៤ ខែកក្កដា ក្រសួងបានលើកឡើងពីការចងក្រងឯកសារ ដើម្បីទាមទារយុត្តិធម៌ និងសំណងតាមច្បាប់អន្តរជាតិ។

ពលរដ្ឋជាង២,៤០០គ្រួសារដែលរស់នៅក្បែតំបន់ជម្លោះប្រដាប់អាវុធបានជម្លៀសមកដល់កន្លែងមានសុវត្ថិភាពអស់ហើយ

លោក ម៉េត មាសភក្តី អភិបាលរងខេត្តឧត្តរមានជ័យ បានឱ្យដឹងកាលពីព្រលប់ថ្ងៃទី២៤ ខែកក្កដាថា ប្រជាពលរដ្ឋប្រមាណ ១,៥០០គ្រួសារ នៅស្រុកបន្ទាយអំពិល បានជម្លៀសទៅទីសុវត្ថិភាព ហើយសរុបជនភៀសសឹកពីតំបន់ផ្សេងៗក្នុងខេត្តមានប្រមាណជាង ២,៤០០គ្រួសារ កំពុងនៅទីសុវត្ថិភាព។

ច្រកដូង៖ ពលករខ្មែររាប់ពាន់នាក់តម្រង់ជួរវិលត្រឡប់ពីប្រទេសថៃ

តាមប្រធានស្នាក់ការច្រកអន្តរជាតិដូង ពលករខ្មែរប្រមាណ៣.០០០ទៅ៤.០០០នាក់កំពុងតម្រង់ជួរត្រឡប់ចូលតាមច្រកថ្មើរជើង នៅក្រោយម៉ោង១០ព្រឹកថ្ងៃទី២៥ ខែកក្កដា ឆ្នាំ២០២៥។ មន្ត្រីច្រកឱ្យដឹងថា នៅថ្ងៃទី២៤ ខែកក្កដា មានពលរដ្ឋខ្មែរ៤៩០នាក់បានត្រឡប់ចូលតាមច្រកនេះ ក្នុងនោះពលករ៤១៧នាក់។

សម្តេចបវធិបតីអំពាវនាវឲ្យប្រជាពលរដ្ឋខ្មែររក្សានូវសីលធម៌ សេចក្តីថ្លៃថ្នូ ជៀសវាងពីការរើសអើង ឬធ្វើសកម្មភាពណាមួយដែលប៉ះពាល់ដល់ស្ថានទូត ក្រុមហ៊ុន និងពលរដ្ឋថៃ

សម្តេច ហ៊ុន ម៉ាណែត បានអំពាវនាវតាមហ្វេសប៊ុកកាលពីថ្ងៃទី២៤ ខែកក្កដា ឱ្យប្រជាពលរដ្ឋខ្មែររក្សាសីលធម៌ និងសេចក្តីថ្លៃថ្នូ ជៀសវាងការរើសអើង ឬប៉ះពាល់ស្ថានទូត ក្រុមហ៊ុន និងពលរដ្ឋថៃនៅកម្ពុជា។ សម្តេចក៏ណែនាំឱ្យពលរដ្ឋខ្មែរនៅថៃដែលរងសម្ពាធ និងចង់វិលត្រឡប់ សុំជំនួយពីស្ថានទូត ឬស្ថានអគ្គកុងស៊ុលកម្ពុជា។

ឯកឧត្តម ប្រាក់ សុខុន ទទួលជួបជាមួយបណ្តាអង្គទូតបរទេស ប្រចាំកម្ពុជា

នៅព្រឹកថ្ងៃទី២៥ ខែកក្កដា ឆ្នាំ២០២៥ ឧបនាយករដ្ឋមន្ត្រី និងរដ្ឋមន្ត្រីការបរទេស ប្រាក់ សុខុន បានជួបបណ្ដាអង្គទូតបរទេសប្រចាំកម្ពុជា នៅទីស្ដីការក្រសួងក្នុងរាជធានីភ្នំពេញ ដើម្បីពន្យល់ពីស្ថានការណ៍ជម្លោះព្រំដែនកម្ពុជា-ថៃ។